Goa Monsoon 2023: गोव्यात गेल्या काही दिवसात पावसाने उघडीप दिल्यानंतर आता आगामी दिवस मात्र पावसाचे असण्याची शक्यता आहे. आगामी चार दिवसांत गोव्यात मुसळधार पाऊस पडू शकतो. या काळात गोव्यात पावसाचा यलो अलर्ट वर्तविण्यात आला आहे. गोवा वेधशाळने हा अंदाज वर्तवला आहे.

त्यामुळे आगामी काळात गोमंतकीयांनी घराबाहेर पडताना रेनकोट, छत्री सोबत ठेवावी. दरम्यान, गोव्यात पडणाऱ्या एकूण पावसात सप्टेंबरमध्ये पडणाऱ्या पावसाचे प्रमाण केवळ 11 टक्के इतकेच असते.

गोव्यात आत्तापर्यंत सरासरी 2,780 मिलीमीटरच्या जवळपास पाऊस झाला आहे. राज्यात 6 ते 17 ऑगस्टपर्यंत पावसाने दीर्घ विश्रांती घेतली होती. त्यानंतर, आताही पावसाने विश्रांती घेतली आहे. सध्याचा पर्जन्य विराम 26 ऑगस्टपासून सुरू झाला आहे.