Waterfalls In Goa Open For All: मैनापी धबधब्यावरील दोघांच्या मृत्यूनंतर पर्यटकांना राज्यातील वन क्षेत्रात असणाऱ्या धबधब्यांवर जाण्यास सरकारने बंदी घातली आहे. नुकतेच रविवारी हजारोंच्या संख्येने पर्यटक धबधब्यांवर जाण्यासाठी रेल्वेमार्गे आले होते.

या पर्यटकांना उठाबशा काढण्याची शिक्षा रेल्वे पोलिसांनी दिली. दरम्यान, गोवा सरकारने पर्यटकांसाठी वन क्षेत्रात येणारे 14 धबधबे खुले केले आहेत. त्यामुळे पर्यटकांना वर्षापर्यटनाचा आनंद घेता येणार आहे.

14 धबधबे खुले करण्यात आले आहेत

पाली, हिवरे, चरावणे, चिदमबरम, नानेली, ऊकेची खाडी, कुमठळ, भाटी, कुस्के, पाली, मयडा, गुळेली, गुंगूलडे, मदियाणी आणि खाडी

नियम आणि अटी

- धबधब्यांवर प्रवेशासाठी निर्धारीत रक्कमेचे तिकीट काढावे लागेल.

- धबधब्यांवर येणाऱ्यांना वन खात्याने घालून दिलेल्या नियमांचे पालन करावे लागेल.

- तसेच, वन क्षेत्रात कोणत्याही प्रकारची नासधुस अथवा नुकसान करण्यास मनाई.

दूधसागरला जाण्यासाठी रेल्वेतून उतरताय? रेल्वेकडून सक्त कारवाईची सूचना

"दूधसागर किंवा ब्रागांझा घाटावरील इतर कोणत्याही स्टेशनवर डी-बोर्डिंग करण्यास मनाई आहे. सर्व प्रवाशांनी सहकार्य करावे आणि आपल्या स्वतःच्या सुरक्षेसाठी नियमांचे पालन करावे." अशी सूचना विभागीय रेल्वेने केली आहे.

रेल्वे कायद्याच्या कलम 147,159 नुसार रेल्वे ट्रॅकवर किंवा त्या बाजूने चालणे हा गुन्हा आहे. यामुळे तुमच्याच नव्हे तर ट्रेनच्या ऑपरेशनलाही धोका निर्माण होतो. असे दक्षिण रेल्वेने खात्याने म्हटले आहे.