Robotic Surgical Unit at GMC

पणजी: गोवा वैद्यकीय महाविद्यालयामध्ये (गोमेकॉ) लवकरच अत्याधुनिक रोबोटिक सर्जिकल युनिट सुरू होणार असून या अत्याधुनिक तंत्रज्ञानामुळे शस्त्रक्रिया क्षेत्रात क्रांती होणार आहे. यामुळे रुग्णांना कमीत कमी प्रक्रियेच्या माध्यमातून अचूक आणि लवकर उपचार शक्य होतील, अशी माहिती आरोग्यमंत्री विश्वजीत राणे यांनी दिली.

या रोबोटिक सर्जिकल युनिटच्या मदतीने अत्यंत अचूक शस्त्रक्रिया करता येणार आहेत. यामुळे रुग्णांचा त्रास होणार असून लवकर उपचारांती घरी परतता येणार आहे. तसेच हे युनिट आधुनिक वैद्यकीय तंत्रज्ञानाचा उत्कृष्ट नमुना ठरणार आहे.

आरोग्यमंत्री विश्वजीत राणे म्हणाले की, गोव्याला जागतिक दर्जाची आरोग्यसेवा उपलब्ध करून देण्यासाठी सरकार सतत प्रयत्नशील आहे.

गोवा वैद्यकीय महाविद्यालयात या रोबोटिक युनिटची स्थापना केल्यावर वैद्यकीय संस्थांमध्ये गोवा देशातील सर्वांत प्रगत राज्य ठरणार आहे. गोमंतकीयांसाठी हे एक महत्त्वाचे पाऊल असून आरोग्यसेवेमध्ये नवीन उंची गाठण्यासाठी आम्ही वचनबद्धता अधोरेखित करते.

‘गोमेकॉ’ देशात आदर्श उपचार केंद्र ठरणार!

या नवीन कल्पनेमुळे गोवा वैद्यकीय महाविद्यालय हे केवळ गोव्यातच नव्हे तर देशभरातील रुग्णांसाठी एक आदर्श उपचार केंद्र ठरणार आहे. गोव्याच्या आरोग्यसेवेच्या क्षेत्रातील हा मोठा टप्पा असून, भविष्यात आणखी नव्या सुविधा उभारण्यासाठी प्रयत्न सुरू राहतील असेही आरोग्यमंत्री विश्वजित राणे यांनी स्पष्ट केले.