Vishwajit Rane: बाणावलीतील स्थानिक सुतारांनी शुक्रवारी आमदार वेंझी व्हिएगस यांची भेट घेऊन त्यांना वनविभागाने काढलेल्या अधिसूचनेत वृक्षतोडीवर लावलेले शुल्क कमी करण्याबाबत निवेदन सादर केले.

त्यांनी सादर केलेल्या निवेदनात असे म्हटले आहे कि, 'वनविभागाने वृक्षतोडीवर लावलेले शुल्क हे भरमसाठ असून त्यामुळे खेड्यापाड्यातील गरीब सुतार काम करणाऱ्या आणि त्याच कामावर आपली उपजीविका करणाऱ्या कामगारांवर अन्याय होतोय.

त्यामुळे सरकारने घेतलेल्या निर्णयावर फेरविचार करावा तसेच वृकद्ध लागवड केलेल्या झाडांवर जिओटॅगचा अवलंब करावा.'

या मागणीसह त्यांनी स्थानिक सुतार कामगारांनी वेंझी व्हिएगस यांची भेट घेऊन आपले प्रश्न मांडल्यावर व्हिएगस यांनी तात्काळ वनमंत्र्यांना या बाबतचे निवेदन दिले. तसेच याप्रश्नी त्यांनी लक्ष घालून सुतार कामगारांच्या समस्या सोडवण्याची विनंती केलीय.

झाडे तोडण्यासाठीच्या विषयासंदर्भात प्रती झाड 1 हजार रुपये शुल्क करण्याची अधिसूचना वन खात्याने काढली आहे.

अधिसूचनेतील शुल्क रद्द करण्यासाठी मुख्यमंत्र्याजवळ प्रस्ताव मांडला जाईल, अशी माहिती वनमंत्री विश्वजीत राणे यांनी दिली आहे. त्यामळे आता सरकार यावर कोणता निर्णय घेणार याकडे लक्ष लागले आहे.