Unseasonal Rain In Goa: गेल्या 2 दिवसांपासून राज्यासह लगतच्या सिंधुदुर्गात पावसाळी वातावरण निर्माण झाले असून बुधवारी रात्री मडगावात पावसाच्या सारी कोसळल्या. गुरुवारी राज्यात काहीसे ढगाळ हवामान अनुभवायला मिळाले.
रात्रौ 8 च्या सुमारास राजधानी पणजीसह लगतच्या परिसरात अवकाळी पावसाने हजेरी लावली. अचानक आलेल्या पावसाने नागरिकांची चांगलीच तारांबळ उडाली. अरबी समुद्रात पावसाला पोषक असे वातावरण तयार झाल्याने पुढील दोन तीन दिवस राज्यात पाऊस पडण्याची शक्यता हवामान विभागाने वर्तवली आहे.
सध्या हिवाळा सुरु असून अवकाळी बरसल्याने शेतकरी राजाने चिंता व्यक्त केली आहे. कारण हिवाळ्यात आंबा, काजू सारख्या फळांच्या झाडांना मोहोर येण्यास सुरवात होते. तसेच याच काळात बागायतदार मोहोरावर औषध फवारणी करीत असतात.
अचानक आलेल्या पावसाने मात्र बागायतदारांची चिंता वाढवली असून यंदा आंबा-काजूचे पीक कितपत येईल याबाबत बागायतदार संभ्रमात आहेत.
तसेच भाजीपाल्यावर देखील याचा परिणाम होण्याची शक्यता आहे. सध्या बाजारपेठेत भाज्यांचे दर काहीसे चढेच असल्याने गृहिणीच्या आर्थिक बजेटवर परिणाम होण्याची शक्यता आहे.
तसेच सध्या वाढती थंडी, त्यातच कोरोनाचे वाढती रुग्ण संख्या आणि आता हा बरसलेला अवकाळी पाऊस यामुळे सर्दी- तापाचे रुग्ण देखील वाढण्याचा अंदाज वर्तवला जात आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.