Goa University: गोवा विद्यापीठाच्या मेगन द आल्मेदा हिने चेन्नई येथे सुरू असलेल्या दक्षिण-पश्चिम आंतरविद्यापीठ जलतरण स्पर्धेत डायव्हिंगमध्ये दोन पदके जिंकली.

मेगन हिने महिलांच्या एक मीटर स्प्रिंगबोर्ड डायव्हिंगमध्ये रौप्यपदक, तर तीन मीटर स्प्रिंगबोर्ड डायव्हिंगमध्ये ब्राँझपदक पटकावले. या कामगिरीने मेगन आता अखिल भारतीय आंतरविद्यापीठ स्पर्धेसाठी पात्रत मिळविली आहे.

जलतरणात गोवा विद्यापीठाच्या तनिशा मुरगोड हिने महिलांच्या 50 मीटर ब्रेस्टस्ट्रोक शर्यतीत 16 क्रमांक मिळाला. पुरुष जलतरणात आर्यन शर्मा याला 800 मीटर फ्रीस्टाईलमध्ये दहावा, तर 400 मीटर फ्रीस्टाईलमध्ये 13वा क्रमांक मिळाला. हे दोन्ही जलतरणपटूही अखिल भारतीय स्पर्धेसाठी पात्र ठरले आहेत.