सावईवेरे येथील सरदेसाई वाड्यावर गणेशाची पूजा संपन्न झाली. आमदार विजय सरदेसाईंनी सपत्नीक आशिर्वाद घेतले. सरदेसाई घरण्याची अनेक कुटूंबे एकत्र गुण्यागोविंदाने गणेश चतुर्थी साजरी करतात. यावेळी मंदार सरदेसाई, संजीव सरदेसाई आणि इतर नातेवाईक उपस्थित होते.

जम्मू आणि परिसरात मुसळधार पावसाने हाहाकार माजवला आहे. फक्त एका दिवसात ३८० मिमी इतका पाऊस झाला असून, हा गेल्या ११५ वर्षांतील (१९१० नंतर) विक्रमी उच्चांक ठरला आहे.

खातेवाटपानंतर इतर मंत्र्यांच्या जबाबदाऱ्यांमध्ये देखील काही बदल करण्यात आले आहेत. मंत्री सुभाष फळदेसाई यांच्याकडे पिण्याचे पाणी पुरवठा हे खाते सोपविण्यात आले आहे, तर सुदिन ढवळीकर यांच्याकडे वस्तुसंग्रहालय आणि गॅझेट हे खाते देण्यात आले आहे.

मंत्री दिगंबर कामत यांना पीडब्लूडी, बंदर-कप्तान आणि वजन- माप खाते तसेच रमेश तवडकर यांना क्रीडा, आदिवासी कल्याण तसेच कला व संस्कृती ही खाती देण्यात आली आहेत.

म्हापसा मार्केटमध्ये पार्किंग वादावरून दोघांवर हल्ला करण्यात आला आहे. त्यांना इस्पितळात हलवण्यात आले आहे.

उत्तर गोवा आणि दक्षिण गोवा या काही भागांमध्ये पुढील ३-४ तासांमध्ये ताशी ३० ते ४० किमी वेगाने वाहणाऱ्या वाऱ्यासह हलक्या ते मध्यम स्वरूपाचा पाऊसपडण्याची शक्यता वर्तवली आहे.

भारतीय क्रिकेट संघाचा दिग्गज खेळाडू आणि सीएसकेचा स्टार गोलंदाज रविचंद्रन अश्विन याने मोठा निर्णय घेतला आहे. त्याने आयपीएलमधून निवृत्तीची घोषणा केली आहे.

म्हापसा अग्निशामक केंद्राला कमलाबाई रेस्टॉरंटजवळील पादचारी मार्गावर झाड कोसळल्याची माहिती मिळाली. अग्निशामक व आपत्कालीन सेवा (DFES) विभागाचे कर्मचारी घटनास्थळी पोहोचले असून, अडथळा दूर करून मार्ग सुरळीत करण्याचे काम सुरू आहे.

गणेशोत्सवाच्या सर्वांना शुभेच्छा!