Goa: मांद्रे मतदार संघातील आम आदमी पार्टी (AAP) तर्फे दिवाळी (Diwali) उत्सवाचे औचित्य साधून पालये व केरी मर्यादित पहिली आकाश कंदील आणि रांगोळी स्पर्धा श्री कुलदेवता मंदिर धाकटेबाग केरी येथील प्रांगणात शुक्रवार दिनांक ५ रोजी साडे पाच वाजता आयोजित करण्यात आली आहे.

आकाश कंदील पारंपारिक आकाराचा बनवावा कंदील बांबू कागदापासून तयार केलेला असावा. प्लास्टिक थर्मोकोल व पत्रा याचा वापर करून आणलेला कंदील सहभागी करून घेतला जाणार नाही. बल्ब व वायर स्पर्धकाने आणणे बंधनकारक आहे.

प्रथम तीन विजेत्याना अनुक्रमे 2000, 1500 व 1000 तसेच 500 रुपयाची रोख बक्षिसे देण्यात येतील. रांगोळी स्पर्धा युवती व महिलासाठी आहे. सामाजिक सांस्कृतिक व पारंपारिक विषयावर रांगोळी काढणे गरजेचे आहे, स्पर्धकांना दीड तास अवधी देण्यात येईल. प्रथम तीन क्रमांकांना 2000, 1500 व 1000 रोख बक्षिसे व दोन उत्तेजनार्थ 500 देण्यात येतील.