Goa Made liquor Seized In Pune: नवीन वर्षाच्या पहिल्याच दिवशी पुण्यात एक कोटी रुपये किमतीचे गोवा बनावटीचे मद्य जप्त करण्यात आले आहे. महाराष्ट्र राज्य उत्पादन शुल्क विभागाच्या वतीने 01 जानेवारी 2024 रोजी खेडशिवापूर जवळ ही कारवाई करण्यात आली.

गोव्यातून महाराष्ट्रात मद्य तस्करीबाबत खात्रीलायक माहिती उत्पादन शुल्क विभागाच्या अधिकाऱ्यांना मिळाली. विभाग अधिकाऱ्यांनी तात्काळ खेडशिवापूर टोल नाक्याजवळ सापळा रचला, दरम्यान एका ट्रकचा संशय आल्याने अधिकाऱ्यांनी ट्रकची तपासणी केली.

यामध्ये तब्बल 1000 हजार मद्याचे बॉक्स आढळून आले, पोलिसांच्या लक्षात येऊ नये यासाठी दुसऱ्या रंगातील बॉक्स समोरच्या बाजुला ठेवण्यात आले होते.

पथकाने मद्य वाहतूक करणाऱ्या ट्रकसह एक कोटी किमतीचे मद्य जप्त केले आहे. ट्रक चालकाची चौकशी केली असता त्याच्याजवळ वाहतूक परवाना आणि इतर कागदपत्र आढळून आले नाहीत.

पथकाने याप्रकरणी चालकासह आणखी एकाला अटक केलीय, या मद्य तस्करी प्रकरणी अधिक तसार सुरु आहे.