गोव्यात आज (05 ऑगस्ट) दिवसभरात 72 नव्या कोरोना रूग्णाची नोंद झाली असून, एका कोरोना बाधित रूग्णाचा मृत्यू झाला आहे. गोव्यात आजवर 3,964 कोरोना रूग्ण दगावले आहेत. आज नव्याने पाच रूग्णांना रूग्णालयात दाखल करण्यात आले असून, दोन बरे झालेल्यांना रूग्णालयातून डिस्चार्ज देण्यात आलाय. आज 467 प्रयोगशाळा नमुने तपासण्यात आले आहेत.

आरोग्य विभागाने प्रसिद्ध केलेल्या आकडेवारीनुसार, गोव्यात आजवर 2 लाख 56 हजार 562 जणांना कोरोनाची बाधा झाली. त्यापैकी 2 लाख 52 हजार 028 जण उपचारानंतर बरे झाले आहेत. आज 72 कोरोनामुक्तांना डिस्चार्ज देण्यात आलाय. राज्याचा कोरोना रिकव्हरी रेट 98.23 टक्के एवढा झाला आहे.

देशात 53,974 सक्रिय कोरोना रूग्ण

देशातील सक्रिय कोरोना रूग्णांची संख्या देखील कमी झाली आहे, सध्याच्या घडीला देशात 53,974 सक्रिय कोरोना रूग्ण आहेत. गेल्या 24 तासांत देशभरात 5,903 नव्या रूग्णांची नोंद झाली असून, 7,034 जणांना डिस्चार्ज देण्यात आलाय.