हळदोण येथे कर्करोग तपासणी अभियानात 255 रुग्णांनी (96 पुरुष, 160 महिला) केली तपासणी. 2 महिलांमध्ये संशयित स्तनाच्या कर्करोगाची गाठ आढळली : नोडल अधिकारी डॉ. जगदीश काकोडकर.

म्हादई बाबत गोवा सरकार अपयशी. म्हादई बचाव अभियानाचा सरकारवर आरोप. सरकार जाणून बुजून वेळकाढू पणा करीत आहे. सर्वोच्च न्यायालयात 17 जणांची टीम घेऊन जायची गरजच काय होती. कर्नाटक सरकारचे वकील सुनावणीसाठी दिल्लीला पोचलेच नाही कारण त्यांना याबाबत आधीच माहिती होते. गोवा सरकार पूर्णपणे अनभिज्ञ: निर्मला सावंत यांनी सांगितले.

डिचोली शहरात कुत्र्याने महिलेवर हल्ला केल्याची घटना समोर आली आहे. पायासह तीन ठिकाणी कुत्र्याने चावे घेतले. उपचारानंतर महिला आता सुखरुप आहे.

म्हापसा नगरपरिषदेच्या अध्यक्षा डॉ. नूतन बिचोलकर यांनी परस्पर सामंजस्यातून राजीनामा दिला.

ब्रिटीश नागरीक डॅनयली मॅकलॉग्लीन लैंगिक अत्याचार आणि खून प्रकरणी विकट भगतला मडगाव सत्र न्यायालयाने दोषी करार दिला. भगतला मृत्यूदंडाची शिक्षा देण्याची मागणी यावेळी सरकारी वकिलांनी केली. न्यायालयाने विकटला कलम 302 खून, 376 बलात्कार आणि 201 पुरावे नष्ट करणे या कलमांखाली दोषी ठरवले.

पणसुली धारबांदोडा परिसरात एका भाड्याच्या घरात सापडले धोकादायक रेडीयेशन मशीन. हे धोकादायक मशीन घरात दीड मीटरचा खड्डा मारुन त्यात ठेवण्यात आले होते. पोलिस घटनास्थळी दाखल. तपास सुरू. घरमालकाची आणि घरात भाड्याने राहणाऱ्यांची सखोल चौकशी व्हावी, धारबांदोडेचे सरपंच बालाजी गावस यांची मागणी.

माजी मुख्यमंत्री दिगंबर कामत यांना कोर्टाचा मोठा दिलासा मिळाला असून, त्यांची खाण घोटाळ्यातून मुक्तता करण्यात आली आहे. पणजीतील सत्र न्यायालयाने आणखी १६ जणांची यातून सुटका केलीय. २०१८ मध्ये एसआयटीने दाखल केलेल्या आरोपपत्रात कामत यांचे नाव होते.

राज्यातील २५५ पैकी १०८ शॅक्स मूळ मालकांनी दुसऱ्याला चालवायला दिल्याचे उघड झाले आहे. याप्रकरणी पर्यटन खात्याने ३५ शॅक मालकांना नोटीस बजावली आहे. हरमल, कळंगुट बीचवर खुनाची घटना घडल्यानंतर पर्यटन खात्याने राज्यातील शॅक्सचा सर्व्हे हाती घेतला आहे.

कुंकळ्ळीत अल्पवयीन मुलीचे अपहरण झाल्याची घटना उघडकीस आली आहे. आई - वडील कामावर असताना दुचाकीवरुन आलेल्या अनोळखी व्यक्तीने मुलीचे अपहरण केले. याप्रकरणी मुलीच्या आईने पोलिसांत तक्रार दाखल केली असून, गोव्यासह शेजारच्या राज्यात वायरलेसद्वारे माहिती देण्यात आली आहे. तसेच, सर्व रेल्वे स्थानकांवर देखील माहिती देण्यात आली आहे.