रणजी क्रिकेट स्पर्धेतील एलिट क गटात पर्वरी येथे गुजरातविरुद्ध गोवा 7 विकेटने पराभूत, स्पर्धेतील पाचव्या पराभवामुळे गोव्यावर 2024-25 मोसमातील प्लेट गटात पदावनतीची नामुष्की, 7 लढतीतून गोव्याचे फक्त 4 गुण.

पोरस्कडे पेडणे राष्ट्रीय महामार्गावर चारचाकी आणि दुचाकीत अपघात. दुचाकी चालक गंभीर जखमी. जखमी चालकाला उपचारासाठी रुग्णालयात दाखल करण्यात आले असून पुढील तपास सुरू.

खाण ब्लॉकच्या जनसुनावणीवरून अडवलपाल ग्रामसभा तापली. नियोजित जनसुनावणी रद्द करा ग्रामस्थांची मागणी. 'ईआयए' अहवाल खोटा आणि गाव उद्ध्वस्त करणारा असल्याचा ग्रामस्थांचा दावा.

वेळसाव पंचायतीच्या ग्रामसभेत रेल्वे दुहेरी मार्गाच्या मुद्द्यावर चर्चा. मात्र याबाबत पंचायतीकडे कोणतेच अधिकार नसून हा मुद्दा केंद्र आणि राज्य सरकार पाहणार असल्यामुळे यावर कोणतेच समाधान मिळाले नाही.

मी दक्षिण गोव्यात लोकसभा निवडणुकीच्या उमेदवारीसाठी अर्ज केला. पण यासाठी माझी एक अट आहे. दक्षिणेत अल्पसंख्याकांसाठी निवडणूक लढवण्याची पक्षाची परंपरा आहे. या निवडणुकीसाठी अल्पसंख्याकांना प्राधान्य द्यायचे असेल तर पक्षाने माझ्या अर्जावर विचार करू नये. गोवा प्रदेश काँग्रेस कमिटीचे माजी अध्यक्ष गिरीश चोडणकर यांचे वक्तव्य.

गोवा-महाराष्ट्र सीमेवरील दोडामार्ग पोलीस चौकीला मिळणार नवा साज. 44 लाख रुपये खर्चून इमारत दुरुस्तीचा प्रस्ताव. आमदार डॉ. चंद्रकांत शेट्ये यांच्या हस्ते कामाची पायाभरणी.

हरमल येथील अपघातप्रकरणी पोलिसांनी सदोष मनुष्यवधाचा गुन्हा नोंदवून कारचालक नरेश गंठुला (24) आणि बंदी राजशेखर (24) या तेलंगणामधील दोन पर्यटकांना अटक. या अपघातात काल (ता. 17) साहील नाईक व दीप नाईक या दोन चुलत भावांचा दुर्दैवी मृत्यू झाला होता.

मडगाव ट्रॅफिक सेलचे होमगार्ड संदेश गावणकर यांना बाणावलीत राहणाऱ्या ओमानच्या महिलेची पर्स सापडली. पर्समध्ये महिलेले कागदपत्रे आणि रोख रक्कम होती. गावणकर यांनी तिच्या घरी जाऊन पर्स महिलेच्या स्वाधीन केली.