मंत्रीमंडळ फेरबदलाचा अधिकार हा सर्वस्वी मुख्यमंत्र्याचा. बी.एल. संतोष यांना जे काही सांगायला पाहिजे ते ठामपणे सांगितले आहे. संघटन आणि सरकार यांच्याबाबतीत त्यांना पूर्ण कल्पना देण्यात आलीय - दामू नाईक, भाजप प्रदेशाध्यक्ष

दवर्लीमधील रेल्वे क्रॉसिंगजवळ तरुणांच्या गटाने दोन तरुणांना बेदम मारहाण केली. हल्लेखोरांनी सोन्याची साखळी आणि अंगठीही हिसकावून घेतली.मायणा -कुडतरी पोलिस स्टेशनमध्ये पोलिस तक्रार दाखल करण्यात आली आहे. अद्याप कोणतीही कारवाई न केल्याबद्दल तरुणांनी पोलिसांवर आरोप केले आहेत. मायणा -कुडतरी पोलिस स्टेशनशी संपर्क साधला असता पीआय म्हणाले, "आम्ही तपास करत आहोत आणि अद्याप गुन्हा नोंदवलेला नाही."

गावाला टेकून मायनिंग डम्प नको. अडवलपालच्या लोकांची भूमिका. 'फोमेंतो'च्या खाणीवरील डम्प काम रोखले. गाव संकटात येण्याची लोकांना भीती.

ताळगावात अपघाताची घटना समोर आली आहे. भरधाव दुचाकीने पार्क कारला जोराची धडक दिली असून, यात दुचाकीचालक गंभीर जखमी झाला आहे.

शेळवणमध्ये बुडालेला तो स्थानिक अद्याप बेपत्ताच असून, अग्निशमन दलाच्या जवानांचे शोधकार्य सुरु आहे. स्थानिक मित्रांसोबत नदीत पोहण्यासाठी गेला होता दरम्यान, तो अचानक बेपत्ता झाला. स्थानिक बुडाल्याचा संशय व्यक्त करण्याता येत असून, अद्याप शोधकार्य सुरु आहे.

लवू मामलेदार खून प्रकरणातील संशयित मुजाहीद सनदी याला कोर्टाने जामीन नाकारला आहे. मामलेदार यांच्याशी रिक्षा चालकाचा किरकोळ कारणावरुन वाद झाल्यानंतर लवू यांच्या बेळगावातील खडे बाझार परिसरात मृत्यू झाला होता. याप्रकरणी पोलिसांनी खुनाचा गुन्हा नोंद करुन मुजाहीदला अटक केली आहे.

होळीच्या दिवाशी गांजा बाळगल्याप्रकरणी मडगाव पोलिसांनी रोहीत पांद्रेकर (मालभाट) येथील तरुणाला अटक केली आहे. त्याच्याजवळ एक लाख किंमतीचा १०९० ग्रॅम गांजा आढळून आला आहे.

दीड लाख रुपये किंमतीचे दागिने चोरी केल्याप्रकरणी गौरी सावंत (डोंगरी, तिसवाडी) या महिलेला जुने गोवा पोलिसांनी अटक केली आहे. चोडण येथील तक्रारदाराने याप्रकरणी तक्रार दाखल केली होती.