गोवा माध्यमिक व उच्च माध्यमिक शिक्षण मंडळातर्फे घेण्यात आलेल्या बारावीच्या परीक्षेचा निकाल उद्या म्हणजेच रविवारी (दि.21) सायंकाळी पाच वाजता जाहीर केला जाणार आहे. मंडळाच्या संकेतस्थळावर ऑनलाईन पद्धतीने विद्यार्थ्यांना निकाल पाहता येईल, अशी माहिती मंडळाच्या वतीने देण्यात आली आहे.
गोवा माध्यमिक व उच्च माध्यमिक शिक्षण मंडळातर्फे यावर्षी २८ फेब्रुवारी ते १८ मार्च या काळात बारावीची परीक्षा घेण्यात आली होती. राज्यातून १७ हजार ९८७ विद्यार्थी या परीक्षेला बसले होते. यात ८,५५० मुले आणि ९,४३७ मुलींचा समावेश आहे.
राज्यातील एकूण वीस परीक्षा केंद्रावर ही परीक्षा घेण्यात आली होती. विद्यार्थ्यांना रविवारी (दि.२१) सायंकाळी पाचनंतर ऑनलाईन पद्धतीने निकाल पाहता येईल.
रविवारी सायंकाळी पाचनंतर विद्यार्थ्यांना result.gbshsegoa.net आणि gbshse.in या संकेतस्थळावर निकाल पाहता येईल.
तसेच, मंगळवारी (दि.२३) सायंकाळी साडेचारनंतर शाळांना विद्यार्थ्यांचे निकालपत्र service1.gbshse.in या संकेतस्थळावरून डाऊनलोड करता येईल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.