Hotels Near Dabolim Airport: तुम्ही गोव्यात पर्यटनासाठी जाण्याच्या विचारात आहात? सध्या गोव्यात गरमीचं प्रमाण बरंच वाढलंय, त्यामुळे विमानतळाच्या जवळच काही आरामदायक राहण्याची सोय झाली तर? आज आम्ही तुम्हाला दक्षिण गोव्यात उतरल्यानंतर दाबोळी विमानतळाजवळ असलेल्या काही हॉटेल्सबदल माहिती देणार आहोत. प्रवास केल्यानंतर नेहमीच आरामदायक आणि सोयीस्कर ठिकाणच्या आपण शोधात असतो आणि असेच तीन उत्तम पर्याय आज पाहूयात..

गोव्याला भेट देणाऱ्या पर्यटकांसाठी दाबोळी विमानतळाजवळ आरामदायी आणि सोयीस्कर ठिकाणी मुक्काम करता यावं म्हणून काही उत्तम हॉटेल्स चालवली जातायत. विमानतळाजवळची ही ठिकाणे प्रवाशांना आरामदायी अनुभव देतात, ज्यामुळे त्यांचा प्रवास अधिक सुखकर होतो.

१. कोकोनट क्रीक

विमानतळापासून अंदाजे ५ किमीच्या अंतरावर असलेल्या या हॉटेलमध्ये पर्यटकांची उत्तम सोय केली जाते. ज्या पर्यटकांची पहाटे किंवा रात्री उशिराची विमानं उतरणार असतात त्यांच्यासाठी हे ठिकाण विशेष फायदेशीर ठरतं.

या ४.५-स्टार हॉटेलमध्ये उत्तम खोल्या, मोठा स्विमिंग पूल आणि अनेक प्रकारचे स्वादिष्ट पदार्थ उपलब्ध आहेत. तसेच, गरज असल्यास विमानतळावर आणि विमानतळावरून पुन्हा हॉटेलवर येण्यासाठी टॅक्सी सेवा सुद्धा उपलब्ध आहे.

२. क्वीनी:

विमानतळापासून अंदाजे १० किमी अंतरावर असलेलं हे ठिकाण हिरव्यागार निसर्गाच्या सान्निध्यात वसलेले क्वीनी व्हॅलीचं विहंगम दृश्य दाखवतं. शहराच्या गजबजीपासून दूर शांत ठिकाणी राहण्याची इच्छा असणाऱ्यांसाठी हे ठिकाण उत्तम आहे.

या ३-स्टार हॉटेलमध्ये आवश्यक सुविधा आणि स्विमिंग पूल आहे. सध्या हॉटेलचे रेस्टॉरंट सुरू नसले तरी, ऑनलाइन आणि थेट बुकिंगची सुविधा उपलब्ध आहे.

३. स्टोन वॉटर:

विमानतळापासून अंतर अंदाजे १५ किमी अनंतरवर असलेलं हे हॉटेल इको-रिसॉर्ट म्हणून ओळखलं जातं. इथे तुम्हाला आधुनिक लक्झरी आणि स्टायलिश डिझाइनचे मिश्रण पाहायला मिळेल. या हॉटेलमध्ये आलिशान कॉटेज-शैलीतील खोल्या, दोन मोठे स्विमिंग पूल आणि एक उत्कृष्ट रेस्टॉरंट आहे.

विमानतळापासून थोडे दूर असले तरी, शांत वातावरण आणि प्रसिद्ध पर्यटन स्थळांजवळ असल्याने हे ठिकाण अतिशय फायदेशीर ठरतं.