मडगाव: दक्षिण गोवा जिल्हा रुग्णालयात बाळाची आदलाबदली झाल्याचा आरोप बाळंतीण महिलेने केला आहे. महिलेने मुलगी नव्हे तर मुलाला जन्म दिल्याचा दावा करत तिचा बाळ बदलले असल्याचा आरोप तिने केला आहे. मंगळवारी (०८ एप्रिल) रोजी हा प्रकार उघडकीस आला.

टाईम्स ऑफ इंडियाने दिलेल्या वृत्तानुसार, दक्षिण गोवा जिल्हा रुग्णालयात मंगळवारी एका महिलेने बाळाला जन्म दिला. दरम्यान, बाळाची आदला - बदली केल्याचा आरोप महिलेने केला आहे. महिलेने जन्म दिलेले बाळ मुलगी नव्हे तर मुलगा होते, असा दावा करत तिने हा आरोप केल्याचे वृत्तात म्हटले आहे.

दरम्यान, महिलेने केलेले आरोप रुग्णालयाने फेटाळून लावले आहेत. रुग्णालयाच्या रेकॉर्डनुसार अशाप्रकारे बाळाची आदला -बदली झालेली नाही. तरी देखील याबाबत विभागीय चौकशी केली जाईल, अशी माहिती डॉ. राजेंद्र बोरकर यांनी टाईम्सला दिली आहे.

महिलेने मंगळवारी सी - सेक्शनद्वारे स्त्री जातीच्या बाळाला जन्म दिल्याचे रुग्णालयाने म्हटले आहे. महिलेने याप्रकरणी शुक्रवारी रात्रीपर्यंत पोलिस तक्रार दाखल केली नव्हती.