H3N2 Virus in Goa : सध्या देशभरात सगळीकडे H3N2 विषाणूने सगळ्यांची डोकेदुखी वाढवली आहे. केंद्राच्या निर्देशानुसार हंगामी इन्फ्लूएंझाचा उपप्रकार H3N2 च्या निरीक्षणावर चर्चा करण्यासाठी गोवा सरकार आज उच्चस्तरीय बैठक घेणार आहे, असे राज्याचे आरोग्य मंत्री विश्वजित राणे यांनी सांगितले.

सावधगिरी वाढवण्याची गरज

तज्ञांनी भारतात दोन H3N2 व्हायरस मृत्यूची नोंद केली आहे. ते म्हणाले की, केंद्रीय आरोग्य मंत्रालयाच्या निर्देशांची काटेकोरपणे अंमलबजावणी केली जाईल याची खात्री राज्य सरकार करेल.

गोव्यात या वर्षी आतापर्यंत H3N2 व्हायरसची अद्याप नोंद झालेली नाही. 'इन्फ्लुएंझा व्हायरसचा उपप्रकार H3N2 च्या देखरेखीवर चर्चा करण्यासाठी मी मंगळवारी आरोग्य सचिव, आरोग्य विभाग आणि गोवा वैद्यकीय महाविद्यालय आणि रुग्णालयातील अधिकारी यांच्या उपस्थितीत बैठकीला संबोधित करणार आहे,' असे राणे यांनी काल रात्री ट्विट केले होते.

केंद्रीय आरोग्य मंत्रालयाच्या निर्देशांची काटेकोरपणे अंमलबजावणी केली जाईल आणि आठवड्यातून एकदा आढावा बैठक घेतली जाईल, असे ते म्हणाले. H3N2 विषाणूबाबत केंद्रीय आरोग्य मंत्रालयाने विविध राज्यांना निर्देश जारी केले आहेत.