पिसुर्ले: गोव्याचे राज्यपाल श्रीधरन पिलई सत्तरी तालुक्याच्या दौऱ्यावर आले असताना होंडा पंचायत क्षेत्रातील एसीजीएल कंपनीला दिलेल्या भेटी वेळी होंडा पंचायतीच्यावतीने सरपंच शिवदास माडकर यांनी त्यांची व आमदार डॉ दिव्या राणे यांची भेट घेऊन स्वागत केले.

(Goa Governor Sreedharan Pillai visited Satari Taluka)

यावेळी पर्ये मतदार संघाच्या आमदार डॉ. दिव्या राणे यांनी राज्यपालांना सरपंच, उपसरपंच व उपस्थित पंच सदस्यांची ओळख करून दिली, या प्रसंगी राज्यपाल श्रीधरन पिलई यांनी सर्वांशी आपुलकीने संवाद साधून वेळ मिळाल्यास राजभवनाला भेट देण्याचे आमंत्रण दिले.

होंडा एसीजीएल कंपनीच्या कार्यालयात घेतलेल्या या स्वागत पर भेटीत सरपंच शिवदास माडकर, उपसरपंच रेशीम गावकर, पंच सदस्य सुविधा माडकर, स्मिता मोटे, सिया बोडके, निलेश सातर्डेकर, सुरज गावकर, सुशांत राणे आदी उपस्थित होते.