Governor P.S. Sreedharan Pillai

सनातन धर्म ही भारताची प्राचीन, सांस्कृतिक परंपरा असून, ती केवळ धार्मिकतेशी निगडित नसून विश्‍वव्यापक आहे. मात्र, याबाबत काही लोक जाणीवपूर्वक वादग्रस्त विधाने करत आहेत ती करू नयेत, असे मत राज्यपाल पी. एस. श्रीधरन पिल्लई यांनी व्यक्त केले.

तमिळनाडूचे मुख्यमंत्री स्टॅलिन यांचे पुत्र उदयनिधी यांनी सनातन धर्म हा विषाणू असून तो कायमस्वरूपी नष्ट केला पाहिजे, असे विधान केले होते. यावर आज राज्यपाल पिल्लई म्हणाले, धर्म आणि धार्मिकता या वेगवेगळ्या बाबी आहेत.

सनातन म्हणजे कायमस्वरूपी अशी शाश्वत बाब होय! आणि सनातन धर्म ही भारताची सांस्कृतिक परंपरा आहे. दक्षिणेतील काही लोक जाणीवपूर्वक वादग्रस्‍त वक्‍तव्‍ये करत असून सनातन धर्माविरोधात बोलत आहेत.

त्‍यांनी अशी विधाने करू नयेत. माझी त्यांना विनंती आहे की, सर्वप्रथम देश ही भावना बळकट केली पाहिजे आणि त्यानंतरच धर्म आणि राजकारण यांवर बोलावे.