मडगाव : आगामी काळात गोवा सरकार व्यापाऱ्यांना देत असलेल्या जमीन किंवा इतर बाबतीत स्थानिक व्यावसायिकांना प्राधान्य देणार आहे. स्थानिक व्यावसायिकांना व्यवसाय वाढवण्यासाठी आवश्यक ते सर्व सहकार्य देण्यात येईल, असे मंत्री माविन गुदिन्हो यांनी सांगितले. ते मडगाव येथेल एका कार्यक्रमात बोलत होते. (Goa government will give preference to Goan businessmen)

गुदिन्हो पुढे म्हणाले, पोर्तुगीज काळापासून गोमंतकीय हे उद्यमशील असल्याचे दिसले आहे. आम्ही गोव्यात अनेक उद्योग योजना बनवणार आहोत. राज्याबाहेरील उद्योजकांचेही गोव्यात स्वागत आहे, असेही गुदिन्हो म्हणाले.

पंचायत निवडणुकांच्या तारखा अधिकृतपणे जाहीर झालेल्या नाहीत. जास्त करून जून महिन्याच्या दुसऱ्या आठवड्यात त्या घेतल्या जाण्याची शक्यता आहे. आतापर्यंतचा अनुभव पाहता पंचायत निवडणुका जास्त करून रविवारी घेतल्या जातात. त्याप्रमाणे त्या 12 जून रोजी घेण्याची शक्यता नाकारता येत नाही, अशी माहिती पंचायतमंत्री माविन गुदिन्हो यांनी दिली.