पणजी: पंतप्रधान मत्स्य संपदा योजनेअंतर्गत गोव्यातील मत्स्य व्यवसाय आणि कृषी क्षेत्रात सुधारणा करण्यासाठी केंद्र सरकारने पुढाकार घेतला आहे. या योजनेंतर्गत २४,००० हून अधिक थेट आणि अप्रत्यक्ष रोजगार संधी निर्माण होण्याचा अंदाज व्यक्त करण्यात येत आहे.

मत्स्यव्यवसाय व शेतकऱ्यांचे उत्पन्न वाढवण्यासाठी तसेच उत्पादनाच्या गुणवत्ता आणि उत्पादकतेत वाढ करण्यासाठी विविध उपक्रम राबवले जात आहेत. यात तंत्रज्ञान, कौशल्यविकास, रोग व्यवस्थापन आणि जलसंवर्धनावर विशेष भर दिला जात आहे.

योजनेअंतर्गत खारफुटी क्षेत्र, गोड्या पाण्याचे तलाव, बायोफ्लोक तंत्रज्ञानासह विविध प्रकल्पांना ७,१९९ कोटी रुपयांपेक्षा अधिक निधी मंजूर करण्यात आला आहे.