गोवा हे ड्रग्जसाठीचे केंद्र आहे, आणि भाजपचे कार्यकर्ते ड्रग्जचा व्यापार चालवत आहेत. असा आरोप गोवा फॉरवर्ड पार्टीचे अध्यक्ष विजय सरदेसाई यांनी केला आहे. यावेळी सरदेसाई यांनी गोव्यात गांजा लागवडीला कायदेशीर मान्यता देण्यासाठी सरकार पुन्हा पाऊल उचलेल, अशी भीती व्यक्त केली.

(Goa Forward Party president Vijai Sardesai alleged state government)

सरदेसाई पुढे म्हणाले की, राज्यात अमली पदार्थविरोधात कारवाई करत “तेलंगणा पोलिसांनी हे सिद्ध केले आहे. गोवा पोलिसांकडे उत्तर नाही, कारण प्रत्येक गोष्टीत राजकीय हस्तक्षेप आहे. सत्ताधारी पक्षाचेच कार्यकर्ते अंमली पदार्थांचा व्यापार चालवत आहेत. गांजा पक्ष राज्य चालवत आहे. राज्याच्या संरक्षणाशिवाय अमली पदार्थांचा व्यापार होऊ शकत नाही. तेलंगणा पोलिसांनी स्पष्टपणे दाखवून दिले आहे की, ड्रग्सना राज्य संरक्षण मिळाले आहे.

गोव्यात गांजा लागवडीला कायदेशीर मान्यता देण्यासाठी सरकार पुन्हा पाऊल उचलेल, अशी भीती त्यांनी व्यक्त करत निवडणुकीपूर्वी, गांजा कायदेशीर करण्याचा सरकारचा हेतू होता, कागदपत्रे (मंत्रिमंडळात) प्रसारित केली जात होती. आता निवडणूक जिंकून ते कायदेशीर करणार आहेत. भाजपचे कार्यकर्ते अमली पदार्थांचा व्यापार चालवत आहेत, आणि यातून येणारा पैसा निवडणुकीत तसेच या पैशातून आमदार खरेदी केले गेले. आणि उरलेल्या रकमेतून ते नगरसेवक खरेदी करतील, असा ही आरोप यावेळी सरदेसाई यांनी केला आहे.