Goa Fire Case: हळदोण्यातील विकासामुळे नैराश्य आलेल्या विरोधकांकडून ज्यात आपल्या राजकीय विरोधकांचाही समावेश असू शकतो अशा घटकांकडून भूमिगत वीज वाहिन्या जाळण्याचा प्रकार घडला असावा, असा गंभीर आरोप आमदार कार्लोस फेरेरा यांनी केला.
पर्वरी येथे मंत्रालयात पत्रकारांशी बोलताना त्यांनी हा दावा केला. फेरेरा म्हणाले की, सार्वजनिक मालमत्तेची कोणीही हानी करता कामा नये, कारण ती जनतेची मालमत्ता असते. हळदोणामध्ये विकास कामे सुरू झाल्याने अनेकांच्या पायाखालची वाळू सरकू लागलेली आहे.
त्या नैराश्यातून अशी कृत्ये केली जात आहेत. भूमिगत वीज वाहिनीला आग लावण्यासाठी बरीच पूर्वतयारी करावी लागते ती करूनच हा उपद्रव देण्याचा झाला आहे, असे ते म्हणाले.
काहींना मी आवडत नसावा, त्यामुळे ते माझे विरोधक झाले असावेत.
पुरावे मिळेपर्यंत कोणावर थेट आरोप करता येत नाही. मात्र भूमिगत वीज वाहिनी जाळण्यामागे विकास कामांमुळे विरोधकांना आलेले नैराश्य यापेक्षा दुसरे काही कारण दिसत नाही. वीज पुरवठा सुरळीत ठेवण्यासाठी भूमिगत वीज वाहिन्या प्रकल्प पूर्ण केला जाईल.
जनतेने संघटितपणे अशा प्रकारांचा मुकाबला केला पाहिजे. त्यांना कुठूनही या संदर्भात मिळालेली माहिती त्यांनी संबंधितांपर्यंत पोहोचवली तर असे प्रकार भविष्यात थोपवता येऊ शकतील, असे ते म्हणाले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.