पणजी: पणजी महापालिकेचे ज्येष्ठ नगरसेवक (Senior Councilor) व माजी महापौर सुरेंद्र फुर्तादो (Former Mayor Surendra Furtado) यांनी आज पणजी मतदारंसघातून कॉंग्रेस (Congress) पक्षाची स्वता:ची उमेदवारी घेषीत केली. एका वृत्तवाहिनीशी बोलताना फुर्तादो यांनी सांगितले की काही झाले तरी आपणच पणजीत कॉंग्रेसचा उमेदवार असणार आहे. उदय मडकईकर (Uday Madakaikar) कॉंग्रेसमध्ये आल्यांने आपली बाजू बळकट झाली आहे. मडकईकर यांचा प्रभाग ताळगाव मतदारसंघात येत असल्याने ते ताळगावसाठी योग्य उमेदवार आहेत. असेही फुर्तादो म्हणाले. कॉंग्रेस पक्ष एक समुद्र आहे त्यामुळे या पक्षात कुणीही येऊ शकतो. सर्वांचे स्वागत आहे. मात्र त्यांनी पाच वर्षे पक्षाचे काम करावे व नंतरच पदे किवा उमेदावारी मागावी. असे सांगून आपणच २०२२ च्या विधानसभा निवडणुकीत कॉंग्रेसचा उमेदवार असणार असल्याचा दावा फुर्तादो यांनी केला.

कॉंग्रेस पक्ष पक्षात येणाऱ्या कुणालाही उमेदवारीचे आश्‍वासन देत नाही. आपण गोवा निवडणूक निरीक्षक पी चिदंबरम व गोवा प्रभारी दिनेश गुंडूराव यांच्याशी यापुर्वीच चर्चा केलेली आहे. असेही फुर्तादो यांनी यावेळी स्पष्ट केले. ६० कोटी खर्च करुन पणजी महापालिका इमारत बांधणे हे आपले स्वप्न असून ते स्वप्न पुर्ण करण्यासाठी पणजीच्या लोकांनी आपणास सहकार्य करावे. असेही फुर्तादो म्हणाले.

महापालिका निवडणुकीत आपण आम्ही पणजीकर हे कॉंग्रेस पक्षाचे पॅनल उभे केले. आमदार बाबूश मोन्सेरात यांच्या पॅनलचे २६ व आपल्या पॅनलचे ४ उमेदवार निवडून आले होते. मात्र दोन्ही पॅनलच्या मतातील फरक फक्त ४९० मतांचा होता. आता उदय मडकईकर हे कॉंग्रेसमध्ये आलेत. येत्या दिवसात आणखी पाच नगरसेवक कॉंग्रेसमध्ये येतील. त्यामुळे येत्या निवडणुकीत आपले स्थान निश्‍चित बळकट होईल.

- सुरेंद्र फर्तादो