Electricity Bill Scam In Goa विद्यमान पंचायतमंत्री माविन गुदिन्‍हो यांचा कथित सहभाग असलेल्‍या ४.५७ कोटींच्‍या वीज बिल सवलत घोटाळा प्रकरणातील ११ साक्षीदारांचा पत्ताच सापडत नसल्‍याने मागच्‍यावेळी ही सुनावणी तहकूब केली होती.
अखेर त्‍यातील सात साक्षीदारांचा पत्ता शोधून काढण्‍यात क्राईम ब्रँचला यश आले असून या साक्षीदारांना नव्‍याने समन्‍स जारी करण्‍यात येणार आहेत.
साक्ष पटविली
पणजी पोलिस स्‍थानक हल्‍लाप्रकरणी उपअधीक्षक सुदेश नाईक यांनी मागच्‍या सुनावणीवेळी या हल्‍ल्‍यात मोडतोड झालेल्‍या एका गाडीची साक्ष पटविली होती.
त्‍या गाडीचे फोटो आज (शुक्रवारी) त्‍यांनी न्‍यायालयात ओळखले. या प्रकरणात बाबूश मोन्‍सेरात, त्‍यांच्‍या पत्‍नी जेनिफर मोन्‍सेरात यांच्‍यासह ३७ जणांवर आरोपपत्र दाखल केले आहे.
राजकीय नेत्यांच्या विरोधातील खटले हाताळणारे खास न्‍यायाधीश इर्शाद आगा यांच्या न्‍यायालयात पोलिसांनी आज ही माहिती दिली. सरकारी सेवेत असताना त्यांना या प्रकरणात साक्षीदार केले हाेते. मात्र, नोकरीतून निवृत्त झाल्‍यानंतर त्‍यांचा पत्ता बदलला. त्‍यामुळे ते सापडू शकले नव्‍हते.
अजूनही चार साक्षीदारांचा पत्ता सापडलेला नाही. त्यांना साक्षीतून वगळण्‍याचा निर्णय घेतला असून या प्रकरणाची पुढील सुनावणी १८ ऑगस्‍ट रोजी होणार आहे.
दरम्‍यान, पणजी पोलिस स्‍थानक हल्‍ला प्रकरणातील सुनावणीही न्‍या. आगा यांच्‍यासमोर आज घेण्‍यात आली. या प्रकरणातील तपास अधिकारी, पणजीचे उपअधीक्षक सुदेश नाईक यांची सरतपासणी पूर्ण झाली असून २५ ऑगस्‍ट रोजी संशयितांच्‍या वकिलांकडून त्‍यांची उलटतपासणी घेतली जाणार आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.