पेडणे (Goa Durg Case) : पोलिसांनी आज मिस्टर रेबेरिव्ह अलेक्सेई नावाच्या एका रशियन नागरिकाला अटक केली, सध्या माधलावाडा, मोरजिम येथे राहणारा 45 वर्षांचा असून, 465 ग्रॅम वजनाचे चरसचे तेल 4,65,000/- रुपये आणि 240 ग्रॅम वजनाचे गांजा जप्त केला आहे याची किंमत रु. 24,000/- इतकी आहे.

नुकत्याच हाती आलेल्या माहिती नुसार, एका रशियन नागरिकाने माधलावाडा, मोरजि (Morjim) येथे त्याच्या भाड्याच्या खोलीत अंमली पदार्थ लपवून ठेवले होते, या माहितीच्या आधारे पीआय जिवबा दळवी यांनी पीएसआय संजित कांदोळकर, पीएसआय विवेक हालरणकर, पीएसआय हरीश वायंगणकर, एचसी प्रवीण महाले, पीसी स्वप्नील शिरोडकर, पीसी विष्णू गाड आणि संदेश वरक या टीम सोबत छापा टाकून आरोपीला रंगेहात पकडण्यात आले. नार्कोटिक्स ड्रग्ज बेकायदेशीरपणे बाळगल्याबद्दल या रशियन नागरिकाला (Russian citizen) ताब्यात घेण्यात आले. पेडणे पोलीस ठाण्यात एनडीपीएस कायदा 1985 च्या 20(ब)(ii) (बी) नुसार गुन्हा दाखल करण्यात आला आहे. एसडीपीओ परनेम श्री यांच्या देखरेखीखाली पुढील तपास सुरू आहे.