Goa Drug Case Dainik Gomantak
गोवा

Goa Drug Case: पार्टीत ड्रग विक्री करायाचा होता प्लॅन, गोवा पोलिसांनी सिंधुदुर्गातल्या खानला रंगेहात केली अटक; 25 लाखांचे ड्रग्ज जप्त

Drug Smuggling in Goa: गोवा पोलिसांच्या अमली पदार्थ विरोधी सेलनं (ANC) अमली पदार्थ तस्करीविरोधात मोठी कारवाई केली आहे.

Sameer Amunekar

पणजी: गोवा पोलिसांच्या अमली पदार्थ विरोधी सेलनं (ANC) ड्रग्ज तस्करीविरोधात मोठी कारवाई केली आहे. या कारवाईत महाराष्ट्रातील एका व्यक्तीला अटक करण्यात आली असून, त्याच्याकडून २५.१० लाख रुपये किमतीचा ड्रग्ज जप्त करण्यात आला आहे.

समोर आलेल्या माहितीनुसार, महाराष्ट्रातील सिंधुदुर्ग जिल्ह्यातील कुडाळ येथील रहिवासी परवेज अली खान (३०) याला गोवा सीमेच्या जवळील पत्रादेवी चौकीवर अटक करण्यात आली.

पोलिसांनी त्याच्याकडून २०८ ग्रॅम एक्स्टेसी पावडर आणि ४३ उच्च-शक्तीच्या एक्स्टेसी गोळ्या जप्त केल्या आहेत. या ड्रग्जचा वापर मुख्यतः गोव्यातील पार्टीमध्ये केला जाणार होता.

परवेज हा मुंबईहून मोठ्या प्रमाणात अमली पदार्थ गोव्यात आणून स्थानिक वितरकांच्या माध्यमातून ते पर्यटन स्थळांवर पसरवत होता. पर्यटन हंगामात आणि मोठ्या सुट्ट्यांच्या काळात गोव्यात अमली पदार्थांची मागणी मोठ्या प्रमाणात वाढते.

या काळात मोठ्या प्रमाणावर ड्रग्जची तस्करी होत असल्याने पोलिस सतर्क असतात. दरम्यान गोवा पोलिसांच्या अंमली पदार्थविरोधी पथकानं (ANC) कारवाई करत परवेज खानला रंगेहात पकडले आहे.

एसपी टिकम सिंग वर्मा आणि डीवायएसपी नेरलॉन अल्बुकर्क यांच्या नेतृत्वाखाली गोवा पोलिसांच्या ANC विभागानं ही कारवाई केली. आरोपीला पुढील चौकशीसाठी पोलिस कोठडीत ठेवण्यात आल्याची माहिती अधिकाऱ्यांनी दिलीय.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

E-Waste: प्रत्येक नव्या खरेदीमागे जुन्या उपकरणांचा कचरा वाढतो, तोच ढीग गंभीर समस्या म्हणून उभा राहतो; ई-कचऱ्याचा विळखा

Super Cup: सुपर कपचा बिगुल! 25 ऑक्टोबरपासून रंगणार थरार; FC Goa समोर विजेतेपद राखण्याचे खडतर आव्हान

Goa Taxi: 'टॅक्‍सी ॲग्रीगेटर जबरदस्तीने लादणार नाही'! गुदिन्‍होंची हमी; सरकारकडे सुमारे 3500 सूचना, हरकती

Panaji: ‘बोर्डवॉक’ची पणजी महानगरपालिका दुरुस्ती करणार? 2 वर्षांपासून दुर्दशा; धोका असूनही नागरिकांचा वावर

Chandel Hasapur: सरपंचालाच मिळाली सरकारी नोकरी, पदासह दिला पंच सदस्यत्वाचा राजीनामा; चांदेल हसापूरमध्ये रंगणार रस्सीखेच

SCROLL FOR NEXT