Goa Crime : कझाकिस्तानवरून आलेल्या 26 वर्षीय महिलेने अगोंडा येथे आपले जीवन संपवल्याची धक्कादायक घटना घडली आहे. पर्यटनासाठी ही महिला आपल्या काही साथीदारांसोबत गोव्यात आली होती. महिलेचा मृतदेह झाडाला लटकवलेल्या अवस्थेत तिथल्या काही स्थानिकांनी पहिला. अयातोवा खलिदा असे या महिलेचे नाव आहे.

काणकोण पोलिस (Police) निरीक्षक प्रवीण गवस यांनी दिलेल्या माहितीनुसार, ही महिला आपल्या साथीदारांसोबत 19 जानेवारीला अगोंडा बीचवर राहण्यासाठी आली होती. महिलेसोबात आलेल्या पर्यटकांनी सांगितल्याप्रमाणे, शनिवारी 12:30च्या सुमारास त्यांनी अगोंडा (Agonda) येथे चहा-नाश्ता केला. आणि तेव्हापासून तिच्या वागण्यात अचानक बदल झाला असल्याचा त्यांना जाणवला. तिने आपल्या ग्रुपसोबत बाहेर फिरायला जाण्यास नकार दिला.

त्यानंतर साधारण 2:30 च्या सुमारास खलिदा हिने अघोळ केली आणि आणि बाहेर फेरफटका मारायला गेली. दरम्यान तिचे सोबती समुद्रकिनाऱ्यावर धमाल-मस्ती करत असताना खलिदाच लटकवलेल्या अवस्थेत मृतदेह आढळून आला. यावेळी केपे पोलिस उपअधीक्षक संतोष देसाई यांनी घटनास्थळी धाव घेत मृतदेह ताब्यात घेऊन चाचणीसाठी मडगावला पाठवला आहे. प्राथमिक माहितीत समोर आल्याप्रमाणे, महिलेच्या शरीरावर कोणत्याही खुणा नाहीत. यासंबंधी पुढील तपास पोलिस करत आहेत.