Goa Crime: वडील आणि मुलगी या नात्याला काळीमा फासणारी घटना गोव्यातील मायणा कुडतरी पोलिस स्थानकाच्या हद्दीत घडली आहे. स्वतःच्या दिव्यांग मुलीवर बापानेच बलात्कार केल्याची घटना उघडकीस आल्यानंतर या भागात खळबळ उडाली आहे.

दरम्यान, या प्रकरणाची तात्काळ दखल घेत तक्रार नोंद होताच पोलिसांनी नराधम बापाला अटक केली आहे. पिडीत युवती ही दिव्यांग असून ती सध्या एकवीस वर्षाची आहे. बलात्काराचे प्रकरण केव्हापासून सुरु होते, याचा तपास पोलीस करीत आहेत.

संशयिताला पोलिसांनी विविध कलमांतर्गत संशयितावर गुन्हा नोंद केला आहे.

संशयित 47 वर्षाचा असून, तो बसचालक म्हणून काम करीत आहे. पिडित मुलीची आई विदेशात कार्यरत आहे. जुलै महिन्यापूर्वी संशयिताने पीडितेवर लैंगिक अत्याचार केले आहेत. चार वेळा त्याने मुलीवर अत्याचार केला. मुलीने नकार दिल्यावर तिला त्याने मारहाणही केली.