गिरी-म्हापसा मार्गावर (Guirim-Mapusa Road) रस्त्याकडेला एक संशयास्पद सांगाडा आढळून आला आहे. पोलीस घटनास्थळी दाखल झाले असून, सांगडा कोणाचा आणि कोठून आला याबाबत अद्याप कोणतीही माहिती मिळाली नाही.

(Suspicious skeleton found at Guirim Mapusa)

मिळालेल्या माहितीनुसार, गिरी बाह्य रस्त्यावर एक संशयास्पद सांगाडा आढळून आला आहे. यात मानवी कवटी आणि विविध हाडे दिसत आहेत. दरम्यान, हा सांगाडा त्याठिकाणी कोठून आला आला, तसेच तो कोणाचा आहे? याबाबत कोणतीही माहिती अद्याप समोर आलेली नाही.

दरम्यान, घटनेची माहिती मिळताच पर्वरी पोलीस (Porvorim Police) घटनास्थळी दाखल झाले असून, पुढील तपास सुरू आहे.

गिरी बाह्य रस्त्यावरील सुरक्षा कठड्यावर हा सांगाडा आणि हाडे सापडली आहेत. तसेच, काही हाडे इतरत्र पडलेली आढळून आली आहेत. पोलीस घटनेचा सखोल तपास करीत असून, सांगाड्याबाबत अद्याप अधिक माहिती समोर आलेली नाही.