पणजी: गुन्हा अन्वेषण विभागाच्या क्राईम ब्रँचने (Goa Crime Branch of Crime Investigation Department) काल हडफडे येथे केलेल्या कारवाईत दोघा बंधूंना 18 किलो गांजासह अटक केली. त्या गांजाची किंमत सुमारे 18 लाख रुपये असल्याची माहिती पोलिसांनी (Police) दिली. या गांजाप्रकरणी अटक करण्यात आलेल्यांची नावे बाला जडा (30 वर्षे) व अनिल जडा (20 वर्षे) अशी असून ते दोघेही मूळ आंध्रप्रदेशमधील आहेत.

त्यांनी हा गांजा कोठून आला त्याची कसून चौकशी सुरू असून त्यामध्ये आणखी काहीजण गुंतले असण्याची शक्यता नाकारता येत नाही, असे मत पोलिसांनी व्यक्त केले.

राज्यात गेल्या काही दिवसांत मोठ्या प्रमाणात पर्यटक(Tourist) येत असून ठिकठिकाणी सुरू असलेल्या संगीतरजनी नृत्य पार्ट्यांमुळे ड्रग्जचाही व्यवसाय तेजीत सुरू आहे. महागडे ड्रग्ज परवडत नसल्याने अनेक युवा पर्यटक गांजाकडे वळत आहे. त्यामुळे हे संशयित झटपट पैसा जमविण्याच्या इराद्याने ते गोव्यात आले होते, असे प्रथमदर्शनी चौकशीत उघड झाले आहे.