देशभरात लोकसभेसाठी झालेल्या मतदानाची मतमोजणी सुरु झाली आहे. गोव्यात देखील दोन जागांसाठी मतमोजणी होत आहे. सकाळी आठ वाजता गोव्यात मतमोजणीस सुरुवात झाली.
पण, दक्षिण गोव्यातील मतमोजणी केंद्रात अवैधपणे प्रवेश केल्याप्रकरणी माजी मुख्यमंत्र्यांना अटक करण्याची मागणी गोवा काँग्रेसने केलीय.
गिरीश चोडणकर यांनी याबाबत एक्सवर पोस्ट करत कामतांच्या अटकेची मागणी केलीय.
मतमोजणी केंद्रात अवैधपणे प्रवेश करत आदर्श आचारसंहितेचा भंग केल्याप्रकरणी दिगंबर कामतांना अटक करा. दक्षिण गोव्याचे उमेदवार विरियातो फर्नांडिस यांनी याबाबत आरओ आणि पोलिसांकडे तक्रार केलीय, अशी पोस्ट गिरीश चोडणकर यांनी केली आहे.
दक्षिण गोव्यात सकाळी आठ वाजता मतमोजणीस सुरुवात झाली आहे. सुरुवातीला पोस्टल मतमोजणी पार पडल्यानंतर साडे आठच्या सुमारास प्रत्यक्ष EVM मतमोजणीला सुरुवात झाली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.