रोमन कॅथोलिक परंपरेची ओळख असलेलं आणि गोमंतकीय ज्याची आतुरतेनं वाट पाहतात त्या कार्निवल फेस्टिवलला आज पर्वरीत सुरुवात झाली. पर्वरीत कार्निवलचा कर्टन रेझर कार्यक्रम पार पडला. यावेळी सामाजिक संदेश देणारे अनेक पुतळे, चित्ररथ पाहायला मिळाले.

“खा, प्या आणि मजा करा” असा संदेश देणाऱ्या या फेस्टिवलमध्ये युवाईचा उत्साह पाहायला मिळाला. नेत्रदीपक परेड, संगीत कार्यक्रम, स्वादिष्ट पदार्थ अशा भरगच्च कार्यक्रमांनी भरलेल्या या फेस्टिवलच्या कर्टन रेझरला अनेकांनी हजेरी लावल्याचे पाहायला मिळाले.

यंदाचा गोवा कार्निव्हल १७ फेब्रुवारीपासून सुरू होत आहे. पर्वरी, पणजी, म्हापसा, मडगाव, मोरजी आणि वास्को या शहरांमध्ये तुम्हाला जगप्रसिद्ध कार्निव्हलची धूम अनुभवता येणार आहे.