Canacona: महागाई वाढल्यामुळे माध्यान्ह आहाराचे दर परवडत नाहीत. त्यामुळे स्वंय साहाय्य गटांनी 1 ऑक्टोबरपासून शाळकरी मुलांचा मध्यान्ह आहार पुरविणे बंद केले आहे. त्यामुळे या योजनेचा फायदा घेणारे सुमारे दोन हजार शाळकरी मुले (School Boy) मध्यान्ह आहारापासून वंचित आहेत.

2014 मध्ये राज्यातील मध्यान्ह आहार पुरविणाऱ्या स्वयं साहाय्य गटाच्या मागणी प्रमाणे दरात 2009 पेक्षा किंचित वाढ करण्यात आली होती. त्यावेळी पहिली ते चौथीच्या मुलांसाठी मध्यान्ह आहाराचे दर 6.11 रुपये व पाचवी ते आठवीसाठी 7.45 रुपये असा देण्यात येत होता. त्यावेळी मुलांना खिचडी, पुलाव, भाजी पाव हा मेनू होता. मात्र आता त्या मेनूत बदल करण्यात आला आहे.

सध्या कडधान्याचे दर वाढले आहेत. त्यामुळे प्रचलित दरात मध्यान्ह आहार पुरविणे शक्य नाही. त्यासंबंधी शिक्षण खात्याला आगाऊ कळविण्यात आले आहे. विद्यार्थी किमान दहा रूपये व सहावी ते आठवी प्रति मुलांसाठी किमान दहा रुपये दर निश्चित करणे गरजेचे आहे. असे ओमकार स्वंय साहाय्य गटाच्या अध्यक्ष संध्या ऊर्फ स्नेहा देसाई यांनी सांगितले.