Vidyadhar Shirodkar: जीवनात यश प्राप्त करून आदर्श भवितव्य घडवायचे असेल, तर विद्यार्थ्यांनी अगोदर मनावर ताबा ठेवावा. पालक आणि शिक्षकांशी संवाद साधून ध्येय निश्चित करणे आवश्यक आहे, असे मत डिचोलीतील पूज्य साने गुरुजी ज्ञानोपासना मंदिर संस्थेचे अध्यक्ष विद्याधर शिरोडकर यांनी व्यक्त केले.

डिचोली सम्राट क्लब आयोजित सम्राट पुरस्कार वितरण सोहळ्यात श्री. शिरोडकर प्रमुख पाहुणे या नात्याने बोलत होते. सम्राट विद्यार्थी फाउंडेशनच्या सहकार्याने येथील राधाकृष्ण विद्यालयात आयोजित या सोहळ्यास सम्राट विद्यार्थी फाउंडेशनच्या प्रतिनिधी तथा राज्य पुरस्कारप्राप्त शिक्षिका विद्या म्हाळशेकर, डिचोली सम्राट क्लबचे अध्यक्ष नीलेश टोपले, सचिव प्रा. प्रवीण सावंत आणि खजिनदार शेखर नाईक उपस्थित होते. विद्या म्हाळशेकर यांनी सम्राट विद्यार्थी पुरस्काराची संकल्पना आणि त्याचे महत्व सांगितले.

पुस्कार प्राप्त विद्यार्थी

बिपाशा शर्मा, अनुज शेट्ये, साईशा फुलारी, पूर्वा भिडे, अथश्री कवळेकर, सानिया राऊत, निष्मा इन्सुलकर, सानिषा मळीक, राज पेडणेकर, खुशी मयेकर, तन्वी दळवी, नित्या घाटवळ, रानी साटेलकर, वृंदा सिद्ध्ये, नॅथन फेर्राव, यश कळंगुटकर, मुन्नीकुमारी पासवान आणि मनस्वी वायंगणकर.