Baina Beach Goa: मुरगावचे आमदार संकल्प आमोणकर यांनी बायणा बीचवर यंदाच्या पर्यटन हंगामातील पहिल्या शॅकचे उद्घाटन केले आहे. पर्यटनाला चालना देण्यासाठी समुद्रकिनाऱ्यावर अनेक सुविधा असणे आवश्यक आहे.

गोव्यातील सर्वोत्तम समुद्रकिनारा म्हणून बायणा समुद्रकिनारा जगाच्या नकाशावर आणण्यासाठी आवश्यक त्या सर्व सोयीसुविधा पुरवण्यासाठी सरकारकडे प्रस्ताव दिला असल्याची माहिती आमोणकर यांनी दिली.

गोव्यात सध्या पर्यटन हंगामाला सुरुवात झाली असून देश विदेशीचे पर्यटकही गोव्यात उतरू लागले आहेत. पर्यटकांची पसंती महागड्या हॉटेल्स, कॅसिनो, पब सोबतच बीच आणि बीचलगतच्या शॅकला आहे.

या मागणीमुळेच नवीन शॅक धोरण येण्यापूर्वी पर्यावरण विभागाने राज्यातील विविध समुद्रकिनाऱ्यांवर एकूण 364 शॅक्सची शिफारस केली होती. त्या 364 शॅक्सपैकी अंदाजे 353 शॅक्सचे वाटप करण्यात आले आहे.