Goa Accident: लोटली येथे सोमवारी दुपारी झालेल्या दुचाकीच्या स्वयं अपघातात राय येथील जोनाथन गोम्स (वय 30) या युवकाचे निधन झाले. मायणा- कुडतरी पोलीसांनी दिलेल्या माहितीनुसार, दुपारी 4 च्या सुमारास हा अपघात घडला.

जोनाथन याचा दुचाकी चालवताना तोल गेल्याने तो खाली पडला आणि गंभीर जखमी झाला. त्याला तातडीने गोवा वैद्यकिय महाविद्यालयात दाखल करण्यात आले. मात्र तिथे उपचार चालू असताना त्याचे निधन झाल्याची माहिती पोलिसांनी दिली.

दरम्यान, या दुदैवी अपघातामुळे एका युवकाचे प्राण गेल्यामुळे राय परिसरात हळहळ व्यक्त करण्यात आली.