पणजी: दिल्लीच्या शिक्षण मॉडेलचे शिल्पकार म्हणून ओळखले जाणारे ‘आप’चे नेते मनीष सिसोदिया यांना १७ महिन्यांनंतर जामीन मिळाल्याने सर्वोच्च न्यायालयाचे गोवा आम आदमी पक्षाच्या वतीने स्वागत केले आहे.

पोलिस स्थानकात ॲड. अमित पालेकर यांच्यासमवेत तक्रार देण्यासाठी आलेल्या वाल्मिकी नाईक यांनी सांगितले की, स्वतःच्या राजकीय फायद्यासाठी षड्‌यंत्र रचून निरपराध व्यक्तींना लक्ष्य करणाऱ्या भाजप सरकारला उत्तर देणारा हा निर्णय आहे.

नाईक म्हणाले, देशातील वाढत्या असमानतेवर मात करण्यासाठी शिक्षणच गुरुकिल्ली आहे, हा ‘आप’च्या ध्येयाचा केंद्रबिंदू आहे. सिसोदिया यांनी केवळ आश्वासनेच दिली नाहीत तर गेल्या दशकभरात ती पूर्णही केली आहेत.