पणजी : राज्यातील (Goa State) लोकांना खात्याच्या विविध योजनांबाबत (Diffrent Scheems) जनजागृती, ते कोणत्या योजनेसाठी पात्र आहेत व त्या त्यांना ऑनलाईन पद्धतीने उपलब्ध व्हाव्यात यासाठी आज सरकारने ‘नो युवर स्कीम्स’ (Know your Scheems) (तुमच्या योजना जाणा) सेवा (Service) सुरू केली असून त्याचे उद्‍घाटन मुख्यमंत्री डॉ. प्रमोद सावंत (Cheif Minister Dr. Pramod Sawant) यांच्या हस्ते. या सेवेची माहिती ऑनलाईन उपलब्ध करण्याबरोबरच पंचायती व पालिकांमध्य ती केली आहे. २४ खात्यांच्या सुमारे १५४ विविध सेवा ऑनलाईनवर उपलब्ध करण्यात आल्या आहेत.

सेवेच्या उद्‍घाटनानंतर यासंदर्भात अधिक माहिती देताना मुख्यमंत्री डॉ. सावंत म्हणाले की, माहिती तंत्रज्ञान तसेच नियोजन, सांख्यिकी व मूल्यांकन खात्यातर्फे तयार करण्यात आलेल्या संकल्पनेमुळे लोकांना त्याचा अधिक फायदा होणार आहे. अंत्योदय तत्त्वावर सरकार चालते हे यातून दिसून येत आहे. यापूर्वी लोकांना खात्याच्या विविध योजनांच्या माहितीसाठी खात्याच्या कार्यालयात जावे लागत होते. मात्र, ‘नो युवर स्कीम’ या सेवेमुळे काहींना ऑनलाईनद्वारे घरबसल्या या योजनांची माहिती मिळू शकते. ज्यांना शक्य नाही त्यांना पंचायत किंवा पालिकेमध्ये जाऊन त्याची माहिती मिळवता येते. यामध्ये तुमच्या निकषानुसार तुम्ही कोणत्या योजनेसाठी पात्र आहात याचीही माहिती सरकारच्या ऑनलाईन पोर्टलवर उपलब्ध होणार आहे. यापुढे लोकांना संबंधित खात्यात किंवा तालुकावार कार्यालयात जाण्याची
गरज भासणार नाही. काही योजनांसाठी ऑनलाईनवरून अर्ज करणे शक्य नाही त्यासाठी पंचायत व पालिकांमध्ये तेथील कर्मचाऱ्यांना संबंधित अर्जाची छापील प्रत लोकांना उपलब्ध करण्याच्या सूचना करण्यात आल्या आहेत. हे अर्ज भरून पंचायत व पालिकांमध्येच देण्याची सोय ठेवण्यात आली आहे. यंदाचे गोवा मुक्तीदिनाचे ६० वे वर्ष असल्याने त्यानिमित्त राज्यातील प्रत्येक व्यक्ती योजनांपासून वंचित राहू नये हे सरकारचे ध्येय असल्याचे सावंत म्हणाले. या कार्यक्रमाला वित्त प्रधान सचिव पुनीत गोएल, माहिती तंत्रज्ञान संचालक अंकिता आनंद, जीईएलच्या सीईओ व कार्यकारी संचालक रेवती कुमार, नियोजन, सांख्यिकी व मूल्यांकन खात्याचे संचालक वाय. दुर्गाप्रसाद तसेच आयटी व जीईलचे अधिकारी उपस्थित होते.