डिचोली: सरकारच्या 'लाडली लक्ष्मी' योजनेंतर्गत ('Ladli Lakshmi' Yojana) मये मतदारसंघातील (Maye constituency) 173 अर्जांना मंजुरी मिळाली असून, आमदार प्रवीण झांट्ये (MLA Praveen Jhantye) यांच्या हस्ते लाभार्थींना या मंजुरीपत्रांचे वाटप करण्यात आले.

डिचोली येथे आमदार झांट्ये यांच्या कार्यालयात आयोजित मंजुरी पत्रांच्या वितरण कार्यक्रमावेळी मयेचे जिल्हा पंचायत सदस्य शंकर चोडणकर, उत्तर गोवा जिल्हा पंचायतीच्या माजी अध्यक्ष अंकिता न्हावेलकर, कारापूर-सर्वणचे सरपंच गोकुळदास सावंत, पंच उज्वला कवळेकर, रसूल मदार, चोडणचे सरपंच कमलाकांत वाडयेकर, मयेचे उपसरपंच कृष्णा परब, ऊर्वी मसूरकर, वन-म्हावळींगेची सरपंच शीतल सावळ आदी पंच आणि कार्यकर्ते उपस्थित होते. सरकार गरीब घटकांच्या उत्कर्षासाठी वावरत आहे. त्यासाठी सरकारने विविध कल्याणकारी योजना मार्गी लावल्या आहेत. असे आमदार प्रवीण झांट्ये यांनी यावेळी बोलताना सांगून, या योजनांचा लाभ घेण्यासाठी नागरिकांनी विशेषतः महिलांनी पुढे यावे. असे आवाहन त्यांनी केले.