Goa Mopa Airport : गोवा राज्यातील दुसरे आंतरराष्ट्रीय विमानतळ अर्थात मोपा विमानतळाचे उद्घाटन काही तासांवर आले आहे. पंतप्रधान नरेंद्र मोदी हे या विमानतळाचे उद्घाटन 11 डिसेंबर 2022 रोजी करणार आहेत. या पार्श्वभूमीवर आज गो फर्स्ट एअरलाइन्सने आपल्या विमानतळावरील उड्डाणांचे नियोजन जाहीर केले आहे.

(Go First announced 42 direct flights to Mopa Airport)

मिळालेल्या माहितीनुसार मोपा येथे गोवा राज्यातील दुसरे आंतरराष्ट्रीय विमानतळ सुरु होत आहे. याचे उद्घाटन 5 जानेवारी होणार आहे. याच दिवशी गो फर्स्ट एअरलाइन्सने आपली विमान सेवा सुरु करणार असल्याचे म्हटले आहे.

तसेच मोपा विमानतळावरुन 42 उड्डाणे नियोजीत असल्याचे म्हटले आहे. त्यानंतर उर्वरित उड्डाण सुरु केली जाणार आहेत. सध्या उपलब्ध असलेल्या नेटवर्कनुसार, गो फर्स्टची थेट विमान उड्डाणे गोव्याला मुंबई, बेंगळुरू आणि हैदराबादला जोडणार आहे.

दाबोळी विमानतळावरील उड्डाणाबाबत केले स्पष्ट

गो फर्स्ट एअरलाइन्सची विमान सेवा दाबोळी विमानतळावरुन सुरु होत आहे. यानंतर आता दाबोळी विमानतळावरुन आपली विमान सुरु ठेवणार का? याचे स्पष्टीकरण दिले आहे. त्यानुसार ही विमानसेवा कोणत्याही प्रकारे बदल न करता आहे त्या स्थितीत सुरु ठेवली जाणार असल्याचे म्हटले आहे.

एअरलाइन्सच्या विमान सेवेबद्दल माहिती देताना गो फर्स्टचे मुख्य कार्यकारी अधिकारी कौशिक खोना म्हणाले कि “आम्ही गो फर्स्टचे नेटवर्क विस्तारत आहे. यामुळे गोवा हे देखील आमच्यासाठी अत्यंत महत्त्वाचे ठिकाण आहे. आम्हाला आमची विमान सेवा मजबूत करताना आनंद होत आहे, आता नवीन ग्राहकांना अधिक चांगल्या प्रकारे सेवा देण्याचा प्रयत्न असणार आहे असे ते यावेळी म्हणाले.