मडगाव: गोवा स्टेट कोस्टल झोन मॅनेजमेंट अथॉरिटी (GCZMA) च्या तीन सदस्यांनी शुक्रवारी साल नदीवरील एका बेटाची पाहणी केली आणि सध्या सुरू असलेल्या ड्रेजिंगमुळे पर्यावरणाचे किती नुकसान झाले याचा आढावा घेतला आहे. (GCZMA team reviewed the damage to the environment in Sal River case)

रॉय बॅरेटो आणि पारंपारिक मच्छीमार संघटनेचे अध्यक्ष अगोस्टिनहो फुर्टाडो यांच्या नेतृत्वाखाली भागधारकांच्या शिष्टमंडळाने त्यांना भेटल्यानंतर या उल्लंघन प्रकरणाचा शोध घेण्यासाठी बेटाची पाहणी करण्याची गरज व्यक्त केली होती. याची दखल घेत GCZMA सदस्य सचिव दशरथ रेडकर यांनी तीन सदस्यीय संघाची नियुक्ती केली.

दरम्यान रॉय यांनी प्रसारमाध्यमांना सांगितले की, GCZMA टीमने ज्या बेटाची पाहणी केली ते बेट चिंचिनी आणि कार्मोना नदीच्या दरम्यान साल नदीत आहे.

“नियमांचे उल्लंघन करून बेटावर गाळ टाकल्याने खारफुटीचा नाश होत आहे,” असे ते म्हणाले.

पारंपारिक मच्छीमार आणि इतर भागधारकांनी साल नदीच्या (Sal River) ड्रेजिंगला कडाडून विरोध केला आहे, कारण स्थानिक मासेमारी समुदायांची उपजीविका या नदीवर अवलंबुन आहे.