Cylinders Caught Fire In Marine Workshop At Betim: बेती येथील एका आरएनटी वर्कशॉपमध्ये आग लागल्याची घटना घडली. गॅस वेल्डिंगवेळी सिलेंडरने पेट घेतल्याने आग लागली. सुदैवाने या आगीत जिवितहानी झाली नाही. ही घटना सोमवारी दुपारी घडली.

याबाबत मिळालेल्या माहितीनुसार बेती येथील एका आरएनटी वर्कशॉपमध्ये बोटीच्या डागडुजीचे काम चालू होते. यावेळी गॅस वेल्डिंग करताना अचानक गॅस सिलेंडरने पेट घेतला. तेथील कामगारांनी तत्काळ आगीची माहिती पर्वरी अग्निशामक दलाला देण्यात आली.

घटनेची माहिती मिळताच जवानांनी मोहिम राबवित आग विझवल्यामुळे दुर्घटना टळली. पर्वरी अग्निशामक दलाचे कर्मचारी मुकुंद गवंडी (सब ऑफिसर), लक्ष्मण परवार (ड्रायव्हर/ऑपरेटर), प्रशांत सावंत (फायर फायटर), महेश कोरगावकर (फायर फायटर), लक्षदीप हरमलकर (फायर फायटर) या मोहिमेत सहभागी झाले.