मडगाव: केंद्र सरकारने घरगुती गॅस सिलिंडरच्या दरात ५० रुपयांची वाढ केल्याने हा दर प्रति सिलिंडर ८७० रुपयांवर पोचला आहे. याचा निषेध करण्यासाठी गुरुवारी काँग्रेस पक्षाच्या महिला कार्यकर्त्यांनी इतर कार्यकर्त्यांच्या समवेत मडगावच्या भाजप कार्यालयासमोर डोक्यावर लाकडाची मोळी घेऊन निदर्शने केली.
महिला काँग्रेस आणि दक्षिण गोवा जिल्हा काँग्रेस समितीने ही निदर्शने आयोजित केली होती.यावेळी काँग्रेसच्या मनिषा उसगावकर यांनी भाजप सरकारात महागाई एवढी वाढली आहे की, सामान्य लोकांचे जीणे मुष्कील झाले आहे.
त्यात आता गॅस सिलिंडरच्या किमतीही भढकल्याने गोव्यातील महिलांवर लाकडाचा वापर करून स्वयंपाक करण्याची वेळ येणार आहे असा दावा केला. काँग्रेसचे दक्षिण गोवा जिल्हा अध्यक्ष सावियो डिसिल्वा यांनी सरकारने सामान्य लोकांचे कंबरडे मोडले आहेत असा दावा केला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.