काणकोण : ट्रकमधून कचरा मडगाव- कारवार हमरस्त्यावर पडल्याने संतप्त नागरिकांनी ट्रक अडवला आहे. लोलये पंचायत क्षेत्रातील संतप्त नागरिकांनी ट्रक पोळे तपासणी नाक्यावर पोलिसांना अडवण्यास भाग पाडले. बुधवारी सकाळी ही घटना घडली आहे. (Truck Seized in Canacona News Updates)

गोव्याहून (Goa) कर्नाटकात कचरा वाहून नेताना ट्रकमधून कचरा मडगाव- कारवार हमरस्त्यावर पडला. KA22 C 7813 हा ट्रक कचरा वाहून नेत होता. 16 टन बेलींग केलेला कचरा या ट्रक मध्ये होता, मात्र कचरा भरताना तो ट्रकच्या बाहेर आल्याने वाहतूकीवेळी ट्रकवर आच्छादलेली ताडपत्री तुटली आणि कचरा रस्त्याच्या कडेला पडत गेला.

दरम्यान लोलये पंचायतीचे माजी पंच सांतान कॉस्ता यांनी ट्रक अडवून चालकाला तंबी दिली आणि कचऱ्याची (Garbage) उचल करण्यास सांगितले. मात्र त्याने कचरा उचलण्यास असमर्थता दर्शविल्याने पोळे तपासणी नाक्यावर तक्रार दाखल करण्यात आली. पोलिसांनी तपासणी नाक्यावर हा कचरावाहू ट्रक अडवून ठेवला आहे. पोलिसांनी (Police) वाहनाची कागदपत्रे जप्त केली असून ट्रक मालकाला रस्त्याकडील कचरा हटविण्याची सूचना केल्याची माहिती आहे.