मुरगाव येथे मंदिरातील दानपेटी फोडून रोख रक्कम लंपास

वास्को: मुरगाव हेडलँड सडा येथील श्री कलम देव खापरेश्वर मंदिरातील दानपेटी फोडून रोख रक्कम तसेच इतर वस्तू चोरांनी लंपास केले. सदर घटना सोमवारी मध्यरात्री घडली असून ठसे तज्ञांना व श्वान पथकाना पाचारण करण्यात आले. मुरगाव पोलिस (Police) पुढील तपास करीत आहे.

येथील श्री कलम देव खापरेश्वर मंदिराची मुख्य गेटचे कुलूप अज्ञात चोरट्यांनी तोडून आत मध्ये प्रवेश केला व मंदिरातील फंड पेटी फोडून त्यातील अंदाजे 30 हजार रुपये एवढी रोख रक्कम लंपास केली. चोरटे एवढ्यावरच थांबले नसून खाली गोदामाच्याही दरवाजा तोडून आतील देवाच्या इतर वस्तू लंपास केल्या. सदर घटना रात्री दोन तीस ते पहाटेच्या दरम्यान घडली असून मुरगाव पोलीस सीसीटीव्ही कॅमेरा फुटेज नुसार तपास कार्य करीत आहे.