गोव्याचे मुख्यमंत्री डॉ. प्रमोद सावंत (Pramod Sawant) यांनी दिल्लीत देशाचे उपराष्ट्रपती जगदीप धनकड (Vice President Jagdeep Dhankhar) यांची भेट घेतली. धनकड उपराष्ट्रपतीपदी निवडून गेल्यानंतर मुख्यमंत्री प्रमोद सावंत यांनी पहिल्यांदाच त्यांची भेट घेतली आहे. त्यापूर्वी मंगळवारी सावंत यांनी महाराष्ट्रात लोकमत अवॉर्डमध्ये उपस्थिती लावली.

गोव्याचे पर्यटनमंत्री रोहन खंवटे हे देखील सध्या दिल्लीत असून, त्यांनी स्वदेशी पर्यटन बैठीला हजेरी लावली.

यावेळी केंद्रीय राज्य पर्यटनमंत्री श्रीपाद नाईक देखील उपस्थित होते.

गोवा हे भारताच्या पर्यटन क्षेत्रातील अग्रणी नाव असून, सतत अद्यावत होत आहे. गोव्यात पर्यटन क्षेत्रात गुंतवणूक करण्यासाठी अधिक वाव असल्याचे पर्यटनमंत्री रोहन खंवटे यावेळी म्हणाले.

त्यापूर्वी रोहन खंवटे यांनी भाजपचे राष्ट्रीय सचिव सुनिल देवधर यांची भेट घेतली.