धीरज हरमलकर

Fish Farming : गोव्यातील गोड्या पाण्यातील मत्स्यशेती ही ग्रामीण भागातील तरुणांसाठी स्वयंरोजगाराची मोठी संधी आहे. मत्स्योद्योग खाते गोड्या पाण्यातील मत्स्यपालन फार्म योजनेद्वारे आर्थिक सहाय्य प्रदान करत आहे. आपल्या परिसरात आपले गोड्या पाण्यातील मत्स्यपालन फार्म यशस्वीपणे चालविण्यासाठी आवश्यक प्रशिक्षणही खाते देत आहे.

मत्स्याहारी गोवेकरांना मासे अगदी प्रियच. मासे न खाणारे गोव्यात क्वचितच आढळतील. बहुसंख्य लोक गोव्यात दररोज समुद्रातील मासे खातात. परंतु गावांमध्ये पावसाळ्यात लोक तलाव, नद्यांमध्ये गोड्या पाण्यातील मासे पकडण्यासाठी जातात. गोव्यातही गोड्या पाण्यातील माशांची मागणी वाढत आहे. पण आता या गोड्या पाण्यातील माशांची चव चाखण्यासाठी पावसाळ्याची वाट पाहावी लागणार नाही. आता हे मासे आपल्याला वर्षभर मिळू शकतात. हे गोड्या पाण्यातील मत्स्यपालन फार्ममुळे शक्य झाले आहे.

योजनेचा कोणाला मिळेल लाभ ?

मत्स्यपालक, सामान्य व्यक्ती, नोंदणीकृत स्वयं सहाय्य गट, संस्था, संघटना या योजनांचा लाभ घेऊ शकतात. मत्स्यपालक हा गेल्या १५ वर्षांपासून गोव्याचा रहिवासी असावा, असेही त्या म्हणाल्या. याशिवाय या योजनांचा लाभ घेण्यासाठी मत्स्य शेतकऱ्याने अर्जदाराचा संयुक्त फोटो, आधार कार्ड, प्रस्तावित जमिनीचा नमुना एक आणि चौदा, आदेशपत्र आणि मत्स्यबीज, खाद्य आणि उपकरणे, शेत खरेदीचे बिल यासह विहित नमुन्यात अर्ज देणे आवश्यक आहे.

योजनेचे सध्या तीन लाभार्थी

• गोव्यात तीन लाभार्थी आहेत ज्यांची गावात गोड्या पाण्यातील मत्स्यपालनाचे

  फार्म आहेत.

• धारबांदोडा येथील उमाकांत बेतोडकर, केरी-सत्तरी येथील नवीदा हबीब आणि साळ, डिचोली येथील अनिता मॅथ्यू अशी लाभार्थ्यांची नावे आहेत.