वेर्णा: वेर्णा येथील एका हॉटेलमध्ये सोमवारी (१४ जुलै) एका ६४ वर्षीय फ्रेंच नागरिकाच पॅट्रिक अल्बर्ट मृतदेह आढळल्याने खळबळ उडाली आहे. अल्बर्ट हे नागवा येथील कमाक्षी कॉलेज ऑफ कलिनरी आर्ट्समध्ये प्राध्यापक आणि हेड शेफ म्हणून कार्यरत होते. गेल्या तीन वर्षांपासून ते गोव्यात एकटेच राहत होते.
वर्णा पोलिसांनी दिलेल्या माहितीनुसार, मडगाव येथील पोलीस नियंत्रण कक्षातून त्यांना हॉटेलमधील एक पाहुणा प्रतिसाद देत नसल्याची माहिती मिळाली. पोलीस घटनास्थळी पोहोचले असता, अल्बर्ट त्यांच्या खोलीतील पलंगावर निपचित पडलेले आढळले. त्यांना तात्काळ मडगाव येथील दक्षिण गोवा जिल्हा रुग्णालयात हलवण्यात आले, मात्र तिथेच त्यांचा मृत्यू झाल्याची घोषणा करण्यात आली.
पोलिसांच्या माहितीनुसार, अल्बर्ट यांच्या देखभालीसाठी दोन काळजीवाहू होते. सोमवारी दुपारी १२ वाजण्याच्या सुमारास काळजीवाहूंना अल्बर्ट प्रतिसाद देत नसल्याचे आढळले आणि त्यांनी इतरांना माहिती दिली. त्यानंतर स्थानिक लोकांनी १०८ रुग्णवाहिका सेवा आणि पोलिसांना बोलावले.
सध्या तरी अल्बर्ट यांच्या मृत्यूचे नेमके कारण स्पष्ट झालेले नाही. वर्णा पोलीस स्थानकाचे उपनिरीक्षक कॅरी फर्नांडिस या प्रकरणाचा पुढील तपास करत आहेत. अल्बर्ट यांचा मृत्यू नैसर्गिक होता की यामागे अन्य काही कारण आहे, याचा शोध पोलीस घेत आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.