Fr Bolmax Pereira: छत्रपती शिवाजी महाराजांबाबत कथित आक्षेपार्ह वक्तव्य केल्याप्रकरणी चिखली येथील चर्चचे फादर बोलमॅक्स परेरा यांच्याविरोधात वास्को पोलिस स्टेशनमध्ये गुन्हा नोंद करण्यात आला होता.

त्यानंतर आज, शनिवारी फादर बोलमॅक्स यांनी जामिनासाठी मडगाव जिल्हा न्यायालयात धाव घेतली. फादर बोलमॅक्स परेरा यांनी मडगाव जिल्हा न्यायालयात जामिन अर्ज सादर केला आहे.

बोलमॅक्स परेरा यांनी छत्रपती शिवाजी महाराजांबाबत वक्तव्य केल्यावर त्यावरून वाद निर्माण झाला होता. शिवाजी महाराज हे राष्ट्रपुरूष आहेत पण ते देव नाहीत. हिंदुंनी त्यांना देव बनवले आहे. असे परेरा म्हटले होते. त्यावरून हिंदुत्ववादी संघटनांनी त्याला आक्षेप घेतला होता.

परेरा यांनी नंतर माझ्या वक्तव्याचा विपर्यास केला, असे सांगत माफीही मागितली होती. तथापि, आक्रमक हिंदु जमावाच्या मागणीनंतर वास्को पोलिसांनी परेरा यांच्याविरोधात गुन्हा दाखल केला होता.